Fendt verður aðalstyrktaraðili þýska landsliðsins í hestaíþróttum á heimsmeistaramótiinu í hestaíþróttum sem fara fram í Kentucky í Bandaríkjunum. „ Þýska landsliðið er eitt það besta í heiminum og við erum mjög ánægðir með að styrkja svo sigursælt lið“ segir Martin Richenhagen stjórnarformaður AGCO.
Heimsleikarnir í hestaíþróttum 2010 verða haldnir 25. September – 10. Október í Lexington, Kentucky USA og eru þáttur í undirbúningi liðanna fyrir Ólympíuleikana.

Vorum að fá í umboðssölu DEUTZ-Fahr Agrotron dráttarvél með öllu. Vélin var skráð ný á gamlársdag 2003 en ekki afhent fyrr en um mitt sumar 2004 og hún er aðeins keyrð tæpa 2.300 vinnustundir. Það er lítið framboð á notuðum dráttarvélum þessa dagana og því er þetta frábær kostur. Vélin er með öllum mögulegum búnaði s.s. stiglausri gírskiptingu, ámoksturstækjum með servo, frambúnaði með aflúttaki og fjaðrandi framhásingu, loftbremsum ofl.ofl.
Hægt er að fá fleiri myndir sendar með því að senda póst á velfang@velfang.is

Í skottúr norður í Hrútafjörð var litið við á nokkrum bæjum. Mikil uppbygging er á Sveðjustöðum eftir nokkura ára hlé á búskap. Fjöldi nýrra KUHN véla og annara tækja í hlaði hjá þeim Karolínu og Tryggva manni hennar. Endurræktun í burðarliðnum og margt á prjónunum. Þá var litið við hjá Matthildi og Gunnari á Þóroddsstöðum til að fylgja eftir nýrri KUHN múgavél. Enginn bilbugur þar á ferð. Ferðin endaði hjá Katrin og Ásgeiri í Brautarholti en þau hafa uppi byggingaráform  eftir niðurskurð vegna gruns um riðu fyrir nokkru síðan. Með ósk um velfarnað þakka ég góðar móttökur.